കൊങ്ങണിച്ചെടി
:: അരിപ്പൂ ,കാട്ടു ചിണ്ട, തേവടശ്ശിച്ചെടി; വേലിച്ചെടി,എന്നൊക്കെ
പ്രാദേശീകമായും, ചതുരാംഗി, എന്ന് സംസ്കൃതത്തിലും അറിയപ്പെടുന്ന
കുറ്റിച്ചെടി. കേരളത്തിൽ 'ഭൂരിഭാഗം സ്ഥലങ്ങളിലും കാണപ്പെടുന്ന ഇതിന്റെ ഔഷധ
ഗുണങ്ങൾ അധികമാരും പ്രയോജനപ്പെടുത്തുന്നില്ല എന്നത് ദു:ഖകരമായ സത്യമാണ്.
ചെറുപ്രായത്തിൽ ഇതിന്റെ ഫലങ്ങൾ കഴിച്ചിട്ടുള്ളവരുണ്ടാകാം, എന്നാൽ ഇന്നത്തെ
കുട്ടികൾക്ക് ഇത്അനുഭവത്തിലില്ല' ഇതിന്റെ ഫലങ്ങൾ കഴിക്കുന്ന കുട്ടികൾക്ക്
നാടവിരശല്യം ഉണ്ടാവുകയില്ല. ഇല ഇടിച്ച് പിഴിഞ്ഞ നീരും, കോലരക്ക് കഷായവും,
വെളിച്ചെണ്ണയും, എള്ളെണ്ണയും, സമമായി എടുത്ത്, നറു നീണ്ടിക്കിഴങ്ങ്
കല്ക്കനരച്ച് പാകപ്പെടുത്തിയ തൈലം, തേച്ചു കുളിക്കുന്നത്, ത്വക്
രോഗശാന്തിക്കും, പുഷ്ടിക്കും, ദേഹ കാന്തിക്കും, ബാലകർക്കും, സ്ത്രീകൾക്കും
ഒരുപോലെ ഗുണം. ചെറിയ മുറിവ് ഉണക്കുവാൻ ഇതിന്റെ ഇല നീര്ധാരചെയ്താൽ മതി. ഇല
അരച്ച് ആട്ടിൻ പാലിൽ ചാലിച്ച് തലയിൽ തളം വെക്കുകയും, പെരുകാൽ വിരലിൽ
പൊതിഞ്ഞുവെക്കുന്നതും, വിട്ടുമാറാത്ത തലവേദനയൊഴിക്കാൻ, പണ്ടുകാലം മുതലേ പല
സ്ഥലങ്ങളിലുംചെയ്യുന്ന, ഒറ്റമൂലി രഹസ്യ പ്രയോഗമാണ്. ഇലയും, തണ്ടും വേത്
വെച്ച വെള്ളം കൊണ്ട് കുളിക്കുന്നത്, വാത രോഗികൾക്ക്
ആശ്വാസമുണ്ടാക്കും.പൂവും, തളിരിലയും, വേരിൻമേൽ തൊലിയും, അരച്ച് പ്രത്യേക
രീതിയിൽ വാറ്റിയെടുത്ത ദ്രവം'ആദിവാസി വൈദ്യൻമാർ പല രോഗങ്ങൾക്കും,
ഫലപ്രദമായി ഉപയോഗിക്കുന്നു.
No comments:
Post a Comment